٣٤) مَنْقَبَهْ كَاتِلُوْفُوْلُهْ اَوْفَتْ نُوْلُوْڠَنْ هِجِ وَلِي اَنُوْدِلٓفَسْ تِنَاكَوَالِيَنْ نَنَا
دِچَرِيَوْسكٓنْ دِزَمَانْ سَيِّدْعَبْدُالقَادِرْ اَيَاهِجِ وَلِيْ اَنُوْدِلٓفَسْ دِكَلُوَرْكٓنْ تِنَاكَوَالِيَنْ نَنَا، تٓرَس اَيْتَ وَلِي چُهُوْنكٓنْ فٓرْتُوْلُوْڠَنْ وَلِيْ٢اَنُوْ سَنَيْسْ سُفَوْس تِيَاسَ دِاَڠكَةْ دٓئيْ كَانَ فَڠْكَةْ وَلِيْ، سَؤُرْ وَلِيْ٢كَؤُلَا ڬٓسْ چُهُوْنكٓنْ كَاڬُسْتِى الله سُفَيَا سَلِرَا دِاَڠْكَةْ دٓئِي جَدِي وَلِيْ تَفِي فَنٓدَاكَؤُلَا هٓنْتٓ اَيَا اَنُوْ دِتَريْمَا، اَيٓنَامَهْ هٓنْتٓ اَيَا دٓئِي فَمُونْتَڠَنْ سَدَيَنَا اَوْڬَيْ ڠَنْ سَيِّدْعَبْدُالقَادِرْ، تٓرَس اَيْتَ وَلِي اَڠْكَةْ ڠَدٓهٓسْ كَاسَيِّدْعَبْدُالقَادِرْ سَرٓڠْ چُهُوْنكٓنْ شَفَاعَةْ نَا، تِدِچَا تٓرَس سَيِّدْعَبْدُالقَادِرْ چُهُوْنكٓنْ شَفَاعَةْ كَاڬُسْتِى الله فِكٓنْ اَيْتَ وَلِي، تِدِچَا تٓرَسْ سُمْفِڠْ دَوُهَنْ تِنُوْغَائِبْ، دَوُهَنْ نَنَا؛ ڬٓسْ لَوْبَافِسَنْ وَلِيْ٢اَنُوْچُهُوْنكٓنْ شَفَاعَةْ فِكٓنْ اَيْتَ وَلِي تَفِي هٓنْتٓ اَيَا سَؤُرڠْ٢ اَچنْ اَنُوْدِاِجَابَهْ اَيٓنَا مَانَيْه اَوْڬَيْ آنْتَوْڠْ مَيْنتَا شَفَاعَةْ فِكٓنْ اَيْتَ وَلِيْ اَنُوْدِلٓفَسْ تَيْه، بَرَڠْ سَيِّدْعَبْدُالقَادِرْ ڠَدَڠُوْ اَيْتَ دَوُهَنْ تٓرَس اَنْجٓنَا چَندَكْ سَجَدَهْ نَا بَادَيْ اَڠكَةْ كَاتٓڬَلَانْ، بَرَڠْ جُوْةْ تُوْرُنْ نٓمْبَيْ سَلَيْڠْكَهْ اَيَا اَنُوْ چَؤُرْ تِنُوْغَائِبْ، سَؤُرْنَا هَيْ غَوْثُ الاَعْظَمْ هَيْ عَبْدُالقَادِرْ اَيْتَ جَلْمَ تَيْه جٓڠْ سَرَيْبُوْ نُوْ بَڠْسَ كِتُوْ ڬٓسْ دِهَمْفُوْرَا كُوْاَئِڠْ، بَرَڠْ ڠَلَيْڠْكَهْ دٓئِيْ كَادُوَانَا اَيَا دٓئِي اَنُوْ چَؤُرْ، سَؤُرْنَا اَيْتَ جَلْمَ جٓڠْ دُوَارَيْبُوْ بَڠْسَ كِتُوْ ڬٓسْ دِهَمْفُوْرَا كُوْاَئِڠْ، بَرَڠْ سَيِّدْعَبْدُالقَادِرْ ڠَلَيْڠكَهْ دٓئيْ كَاتِلُوْنَا اَيَادٓئِيْ اَنُوْچَؤُرْ، سَؤُرْنَا هَيْ عَبْدُالقَادِرْ اَيْتَ جَلْمَ جٓڠْ تِلُوْرَيْبُوْ بَڠْسَ نَا كُوْاَئِڠْ ڬٓسْ دِهَمْفُوْرَا كَرٓنَ اَرَه٢مَانَيْه، تِدِچَا تٓرَس سَيِّدْعَبْدُالقَادِرْ ڠَانُهُوْنْكٓنْ كَاڬُسْتِى الله كَانَ نُڬْرَاهَانَ سَرٓڠْ اَيْتَ وَلِي اَنُوْدِلٓفَس تَيْيَا كَيْڠِڠْ دٓئيْ فَڠكَةْ كَوَالِيَنْ.
دِچَرِيَوْسكٓنْ دِزَمَانْ سَيِّدْعَبْدُالقَادِرْ اَيَاهِجِ وَلِيْ اَنُوْدِلٓفَسْ دِكَلُوَرْكٓنْ تِنَاكَوَالِيَنْ نَنَا، تٓرَس اَيْتَ وَلِي چُهُوْنكٓنْ فٓرْتُوْلُوْڠَنْ وَلِيْ٢اَنُوْ سَنَيْسْ سُفَوْس تِيَاسَ دِاَڠكَةْ دٓئيْ كَانَ فَڠْكَةْ وَلِيْ، سَؤُرْ وَلِيْ٢كَؤُلَا ڬٓسْ چُهُوْنكٓنْ كَاڬُسْتِى الله سُفَيَا سَلِرَا دِاَڠْكَةْ دٓئِي جَدِي وَلِيْ تَفِي فَنٓدَاكَؤُلَا هٓنْتٓ اَيَا اَنُوْ دِتَريْمَا، اَيٓنَامَهْ هٓنْتٓ اَيَا دٓئِي فَمُونْتَڠَنْ سَدَيَنَا اَوْڬَيْ ڠَنْ سَيِّدْعَبْدُالقَادِرْ، تٓرَس اَيْتَ وَلِي اَڠْكَةْ ڠَدٓهٓسْ كَاسَيِّدْعَبْدُالقَادِرْ سَرٓڠْ چُهُوْنكٓنْ شَفَاعَةْ نَا، تِدِچَا تٓرَس سَيِّدْعَبْدُالقَادِرْ چُهُوْنكٓنْ شَفَاعَةْ كَاڬُسْتِى الله فِكٓنْ اَيْتَ وَلِي، تِدِچَا تٓرَسْ سُمْفِڠْ دَوُهَنْ تِنُوْغَائِبْ، دَوُهَنْ نَنَا؛ ڬٓسْ لَوْبَافِسَنْ وَلِيْ٢اَنُوْچُهُوْنكٓنْ شَفَاعَةْ فِكٓنْ اَيْتَ وَلِي تَفِي هٓنْتٓ اَيَا سَؤُرڠْ٢ اَچنْ اَنُوْدِاِجَابَهْ اَيٓنَا مَانَيْه اَوْڬَيْ آنْتَوْڠْ مَيْنتَا شَفَاعَةْ فِكٓنْ اَيْتَ وَلِيْ اَنُوْدِلٓفَسْ تَيْه، بَرَڠْ سَيِّدْعَبْدُالقَادِرْ ڠَدَڠُوْ اَيْتَ دَوُهَنْ تٓرَس اَنْجٓنَا چَندَكْ سَجَدَهْ نَا بَادَيْ اَڠكَةْ كَاتٓڬَلَانْ، بَرَڠْ جُوْةْ تُوْرُنْ نٓمْبَيْ سَلَيْڠْكَهْ اَيَا اَنُوْ چَؤُرْ تِنُوْغَائِبْ، سَؤُرْنَا هَيْ غَوْثُ الاَعْظَمْ هَيْ عَبْدُالقَادِرْ اَيْتَ جَلْمَ تَيْه جٓڠْ سَرَيْبُوْ نُوْ بَڠْسَ كِتُوْ ڬٓسْ دِهَمْفُوْرَا كُوْاَئِڠْ، بَرَڠْ ڠَلَيْڠْكَهْ دٓئِيْ كَادُوَانَا اَيَا دٓئِي اَنُوْ چَؤُرْ، سَؤُرْنَا اَيْتَ جَلْمَ جٓڠْ دُوَارَيْبُوْ بَڠْسَ كِتُوْ ڬٓسْ دِهَمْفُوْرَا كُوْاَئِڠْ، بَرَڠْ سَيِّدْعَبْدُالقَادِرْ ڠَلَيْڠكَهْ دٓئيْ كَاتِلُوْنَا اَيَادٓئِيْ اَنُوْچَؤُرْ، سَؤُرْنَا هَيْ عَبْدُالقَادِرْ اَيْتَ جَلْمَ جٓڠْ تِلُوْرَيْبُوْ بَڠْسَ نَا كُوْاَئِڠْ ڬٓسْ دِهَمْفُوْرَا كَرٓنَ اَرَه٢مَانَيْه، تِدِچَا تٓرَس سَيِّدْعَبْدُالقَادِرْ ڠَانُهُوْنْكٓنْ كَاڬُسْتِى الله كَانَ نُڬْرَاهَانَ سَرٓڠْ اَيْتَ وَلِي اَنُوْدِلٓفَس تَيْيَا كَيْڠِڠْ دٓئيْ فَڠكَةْ كَوَالِيَنْ.
0 comments:
Post a Comment